Allar koppsetingar kunnu hava hjáárin.

HPV-koppsetingin kann hava somu hjáárin sum aðrar barnakoppsetingar. Flestu hjáárin hava lítið upp á seg og eru skjótt burtur, t.d. roði á húðini, og at tú gerst eym/ur, har tú ert prikað/ur. Summi fáa árin, sum líkjast vanligum beinkrími, men tað varir oftast heilt stutt.

Álvarslig hjáárin eru rættiliga sjáldsom og kunnu eitt nú vera ovurviðkvæmi við notusótt og trupulleikar við andadráttinum. Hjáárinini koma ofta heilt stutt eftir koppsetingina. Tí skalt tú verða sitandi hjá læknanum í umleið 15 minuttir, eftir at tú ert koppsett/ur.

Tú kanst lesa meiri um HPV-koppsetingina og hjáárin á stophpv.dk, og har eru eisini leinki til kunningarseðilin um koppingarevnið.