Sólvanar
Njót sólina við skili
Flest øll ung dáma væl tá sólin skínur. Lagið verður betri, og vit fáa hug at fara út og njóta hitan og ljósið. Tá er gott at njóta sólina við skili. Krabbamein í húðini er vanligt krabbameinsslag um okkara leiðir. Hetta kemst av at flest allir Føroyingar hava ljósa húð, og tola ikki sól í ov stórum nøgdum.
Tað er av týdningi at verja húðina, tá sólin skínur.
Danska heilsustýrið, sundhedsstyrelsen, er komið við nýggjum tilmælum:
Brúka altíð sólkrem við í minsta lagið faktor 30, tá tú ert í sólini.
Ver í skugganum og nýt sólhatt.
Best er at lata vera við at nýta solarium.
Fyri at verja okkum á bestan hátt móti strálunum frá sólini, verður nú mælt til, at vit nýta sólkrem við í minsta lagið faktor 30.
Tað er "solgruppen" ið er komin við tilmælunum.
"Sum flest onnur lond í Europa, vilja vit nú tilmæla, at tú nýtir sólkrem við í minasta lagi faktor 30, um tú ert í Danmark ella sunnanfyri. Nýt størri nøgdir av sólkrem, enn tú heldur vera neyðugt.
Samstundis vilja vit staðfesta áheitanina um at minnast hini sóráðini: Leita tær í skugga, serliga millum kl. 12-15, nýt sólhatt, sólbrillur og ver í leysum klæðum, tá tú ert í sólini". Hetta sigur Kresten Breddam, eindarleiðari í danska heilsustýrinum.
Nýggja tilmælið um altíð at nýta minst faktor 30 er komið, tí tað kann vera ringt at fáa nóg mikið av sólkrem á húðina tá smurt verður. Tað ger, at sólkremið verjir verri, enn tað er eyðmerkt á dunkinum.
Kelda: www.sst.dk/da/Borger/Straaling_-miljoe-og-klima/Vejr-og-klima/Solbeskyttelse
Hentar slóðir:
Nógv ung kenna til, at ferming ella onkur onnur stór veitsla stendur fyri framman. Fínu klæðini eru keypt og væl hevði hóska, um húðin fekk ein vakran brúnan lit.
Tað kann tykjast sera freistandi at taka sól í solarium, fyri at fáa eitt sindur av farvu. Ert tú ein av teimum sum hevur hug at fara í solarium, so líkist tú nógvum øðrum ungum í Føroyum. Hóast hetta, so lat vera við at taka sól!
Børn og ung eru í størri vanda fyri at fáa krabbamein av uv-strálum, tí kroppurin er í menning. Yngri mann er, vandamiklari er tað at nýta solarium, og størri er vandin fyri at fáa móðurmerkjakrabba.
Tað er umleið 60% øktur vandi fyri at fáa móðurmerkjakrabba, um tú nýtir solarium, áðrenn tú gerst 35 ár. Bert við at taka sól eina ferð um mánaðin, økir tú um vandan fyri móðurmerkjakrabbamein.
Um tú kortini ynskir at síggja eitt sindur sólbrend/ur út, nýt so heldur sjálvbrúnara ella spraytan enn solarium. Í dag finnast nógv sløg av sjálvbrúnara, og við eitt sindur av venjing, ber væl til at smyrja seg uttan at fáa strípur o.l. Hugsa tó um, at sjálvbrúnari, eins og onnur kremir, ofta inniheldur evnir s.s. lugtevni, parabenir og líknandi, ið eisini kunna elva til ovurviðkvæmi. Tað er tí týdningarmikið at hugsa seg um hvønn sjálvbrúnara ein keypir.
Góð ráð:
Tá tú keypir sjálvbrúnara, spyr so starvsfólkið hvat er gott og lættast at brúka.
Spyr eisini hvørji evni eru í, um hann er "umhvørvismerktur" ella "allergimerktur" á nakran hátt.
Keyp ikki ov myrka farvu, um tú ikki ert sólbrend/ur áðrenn. Smyr heldur eitt sindur oftari við sjálvbrúnara.
Fyrireika húðina, við at vaska húðina við onkrum sum "skrubbar". Hetta hjálpir soleiðis at farvan gerst meira jøvn.
Um tú ofta gerst serliga myrk/ur um albogar og knø - smyr so eitt sindur av kropskremi á fyrst.
Smyr á um kvøldið, so er farvan turr um morgunin og smittar ikki av á klæðini. Minst til ikki at nýta ljós songjarklæðir.
Minst til at vaska hendurnar aftaná at tú hevur smurt teg inn.
Royn teg fram, "øvelse gør mester".
Keldur: